Connect with us

Chayakkada

ഇന്ന് ആശ്വാസ ‘ഫൈനല്‍’ ; ജയത്തോടെ വിടവാങ്ങാന്‍ ഇംഗ്ലണ്ടും ബെല്‍ജിയവും

Sports

ഇന്ന് ആശ്വാസ ‘ഫൈനല്‍’ ; ജയത്തോടെ വിടവാങ്ങാന്‍ ഇംഗ്ലണ്ടും ബെല്‍ജിയവും

മോസ്കോ: ജയത്തോടെ ലോകകപ്പില് നിന്ന് വിടവാങ്ങാനാണ് ഇംഗ്ലണ്ടും ബെല്ജിയവും മോഹിക്കുന്നത്. റഷ്യന് ലോകപ്പിന്റെ ലൂസേഴ്സ് ഫൈനലില് വിജയം നേടി മൂന്നാം സ്ഥാനമെന്ന ആശ്വസത്തോടെ നാട്ടിലേക്ക് വണ്ടികയറാനാണ് ഇരു ടീമുകളുടെയും ശ്രമം. ശനിയാഴ്ച രാത്രി 7. 30-നാണ് മത്സരം.

ജയത്തോടെ ലോകകപ്പ് അവസാനിപ്പിക്കാനാണ് താത്പര്യമെന്ന് ഇംഗ്ലീഷ് പരിശീലകന് ഗാരെത് സൗത്ത്ഗേറ്റ് വ്യക്തമാക്കിയിട്ടുണ്ട്. സെമിഫൈനലില് കളിച്ച ഇംഗ്ലീഷ് ടീമില് കാര്യമായ മാറ്റങ്ങളുണ്ടാകില്ല. മുന്നേറ്റത്തില് കെയ്ന് കൂട്ടായി മാര്ക്കസ് റാഷ്ഫോഡ് വന്നേക്കും. ഹെന്ഡേഴ്സന് പകരം ഡിഫന്സീവ് മിഡ്ഫീല്ഡില് എറിക് ഡയറെ പരീക്ഷിക്കാനും സാധ്യതയുണ്ട്. മുമ്പ് ഗ്രൂപ്പ് ഘട്ടത്തില് ഇരുടീമുകളും നേര്ക്കുനേര് വന്നപ്പോള് ബെല്ജിയം ഒരുഗോളിന് ജയിച്ചിരുന്നു.

ഫ്രാന്സിനെതിരേ സെമിയിലേറ്റ തോല്വിയില് നിന്ന് ബെല്ജിയത്തിന്റെ സുവര്ണ തലമുറയ്ക്ക് കരകയറണമെങ്കില് മൂന്നാംസ്ഥാനമെങ്കിലും വേണം. ടീമില് കാര്യമായ പരീക്ഷണത്തിന് റോബര്ട്ടോ മാര്ട്ടിനെസ് തയ്യാറാകില്ല. ലുക്കാക്കു, ഇഡന് ഹസാര്ഡ്, കെവിന് ഡിബ്രുയ്ന് തുടങ്ങിയ പ്രമുഖര് ആദ്യ ഇലവനിലുണ്ടാകും.

Continue Reading
Comments

More in Sports

To Top