Connect with us

Chayakkada

രഞ്ജന്‍ ഗോഗോയ് സുപ്രീംകോടതി ചീഫ് ജസ്റ്റിസ്

News

രഞ്ജന്‍ ഗോഗോയ് സുപ്രീംകോടതി ചീഫ് ജസ്റ്റിസ്

ന്യൂഡല്ഹി: ജസ്റ്റിസ് രഞ്ജന് ഗോഗോയിയെ സുപ്രീം കോടതി ചീഫ് ജസ്റ്റിസായി നിയമിച്ച് രാഷ്ട്രപതി ഉത്തരവിറക്കി. ഒക്ടോബര് മൂന്നിന് അദ്ദേഹം ഔദ്യോഗികമായി ചുതലയേല്ക്കും. രാജ്യത്തിന്റെ 46ാമത് ചീഫ് ജസ്റ്റിസാണ് ഗോഗോയി.

ഗോഗോയിയുടെ പേര് നിലവിലെ ചീഫ് ജസ്റ്റിസ് ദീപക് മിശ്ര നേരത്തേ ശുപാര്ശ ചെയ്തിരുന്നു. ഒക്ടോബര് രണ്ടിനാണ് മിശ്ര വിരമിക്കുന്നത്.

അസം സ്വദേശിയായ ഗൊഗോയി 1954-ലാണ് ജനിച്ചത്. 2001 ല് അദ്ദേഹം ഗുവഹത്തി ഹൈക്കോടതി ജഡ്ജിയായി നിയമിതനായി. തുടര്ന്ന് പഞ്ചാബ്-ഹരിയാന ഹൈക്കോടതിയിലും ജഡ്ജിയായി സേവനം അനുഷ്ഠിച്ചു. 2011-ല് അവിടുത്തെ ചീഫ് ജസ്റ്റിസായി. അടുത്ത വര്ഷം തന്നെ അദ്ദേഹത്തെ സുപ്രീംകോടതി ജഡ്ജിയായി നിയമിച്ചു. 2019 നവംബര് 17 ന് വിരമിക്കും.

ജസ്റ്റിസ് ഗോഗോയ് അടക്കമുള്ള സുപ്രീംകോടതിയിലെ നാല് മുതിര്ന്ന ജഡ്ജിമാര് ജനുവരി 12 ന് ചീഫ് ജസ്റ്റിസിനെതിരെ വാര്ത്താ സമ്മേളനം നടത്തിയിരുന്നു. കേസുകള് വിഭജിച്ച് നല്കുന്നതുമായി ബന്ധപ്പെട്ടായിരുന്നു വാര്ത്താ സമ്മേളനം.

ഗോഗോയ്ക്കൊപ്പം വാര്ത്താ സമ്മേളനത്തില് പങ്കെടുത്ത ജസ്റ്റിസ് ചെലമേശ്വര് ആയിരുന്നു ദീപക് മിശ്ര കഴിഞ്ഞാല് ഏറ്റവും മുതിര്ന്ന ജഡ്ജി. എന്നാല് അദ്ദേഹം മെയ് 18 ന് വിരമിച്ചു.

Continue Reading
Comments

More in News

To Top